Fatmir Terallarin, 50-vjeçar i cili vrau kunatin e tij në Volos, pasi mori vesh se i kishte përdhunuar vajzën që nga mosha 9-vjeçare, është lënë në arrest shtëpie, nga gjykata greke. 50-vjeçari, i cili akuzohet për vrasje me dashje në gjendje të qetë shpirtërore, përdorim të armës dhe armëmbajtje, është lënë përkohësisht në arrest shtëpie në shtëpinë e vajzës së tij , derisa këshilli gjyqësor të vendosë për të. fati, i cili do të ndodhë pas pesë ditësh.
Kujtojmë se Terallari të mërkurën e datës 10 janar, plagosi për vdekje kunatin e tij, pak orë pasi u informua nga vajza e tij se 33-vjeçari e kishte përdhunuar që në moshën 9-vjeçare dhe së fundmi e shantazhonte duke i zhvatur para dhe duke e kërcënuar se do të publikonte video materiale kundër saj.
Në një deklaratë për mediat avokatët e tij u shprehën se ndihen mrekullisht mirë pas vendimit të gjykatës për ta lënë të lirë më kusht.
” Dua të shpreh falënderimet e mia për prokurorinë dhe Gjykatën për të lënë të lirë me kusht dhe kthimin pranë vajzave të tij… Ndihemi shumë mirë pas vendimit, ashtu si dhe gjithë shoqëria greke”, tha një prej avokatëve të 50-vjeçarit.
Ndërsa Alexis Kougias, njëri nga dy avokatët e të akuzuarit, në deklaratat e tij më herët dhe para se babai i 18-vjeçares të lirohej, kishte përmendur se 50-vjeçari nuk është kriminel pasi duhet të evidentohen rrethanat reale të krimit, por edhe rrethanat që i kanë paraprirë. Avokatët pretendojnë se arma është shkrepur gjatë përleshjes me 33-vjeçarin dhe se vrasja është bërë në mënyrë aksidentale dhe në kushte vetëmbrojtje.
“Së bashku me kolegun tim të nderuar, një nga avokatët kryesorë, z.Michalis Vasilikos, kemi ndërmarrë një detyrë të vështirë. Duhet të tregojmë para drejtësisë greke rrethanat reale që i kanë paraprirë, rrethanat në momentin e shkrepjes së armës, të tregojnë personalitetin e vërtetë të autorit, të tregojnë se ky person nuk është një kriminel që ka vendosur të marrë ligjin në dorë. Për të treguar se për momentin në këtë familje ka një dramë të madhe, e cila për fat të keq nëse nëna e vajzave nuk do të kishte humbur jetën dhe klienti ynë nuk do të kishte bërë këtë martesë të re, asgjë nuk do të kishte ndodhur.
Para se të vija këtu, u morën në pyetje mësuesja dhe psikologu, të cilëve vajza e vogël u kishte besuar dramën që po vazhdonte prej nëntë vitesh. Rast i vështirë sepse nga pikëpamja e qasjes kriminale, akuza më e rëndë është marrja e jetës së njeriut. Kërcënohet me burgim të përjetshëm. Ajo që shumica e njerëzve nuk e dinë është se ligjvënësi ka vendosur një dënim minimal prej 2 vjetësh”, tha ai.