Mbrëmjen e së mërkurën në disa qytete është zhvilluar një operacion i madh policor ku janë arrestuar policë dhe zyrtare të tjerë mes të cilëve edhe prokurori i Kukësit dhe biznesmeni Pëllumb Gjoka.
Mesohet se masa e arrestit me burg ndaj biznesmenit Pëllumb Gjoka, është lëshuar pasi dyshohet se është përfshirë ne vrasje e grup të strukturuar kriminal.
Gjithashtu mase sigurie është lëshuar edhe për të shumëkërkuarin Ervis Martinaj i cili prej një viti ka humbur gjurmët.
Sipas SPAK Martinaj është përfshirë në një vrasje që ka ndodhur në Shkoder në vitin 2020.
Në operacionin ku u arrestua ish-shefi i operacionales Oltion Bistri dhe prokurori i Kukësit Xhevahir Lita, SPAK ka lëshuar 14 urdhër arreste. Gjashtë prej tyre janë ekzekutuar tashmë, 3 janë shpallur në kërkim, pasi nuk janë gjendur, ndërsa për 5 persona të tjerë masat nuk janë ekzekutuar pasi rezultojnë jashtë Shqipërisë.
Ndaj tyre SPAK ka ngritur akuzat e korrupsionit, shpërdorimit të detyrës dhe grupit të strukturuar kriminal.
Mes personave të përfshirë është dhe Asmer Bilali, një emër shumë i njohur dhe i skeduar për veprimtari kriminale në qytetin e Shkodrës. Operacioni është zhvilluar në disa qytete, përfshi Tiranën, Shkodrën dhe Kukësin.