Përmbytjet në Greqi, një fshat i tërë mbuluar nga uji. Banorët të izoluar kërkojnë ndihmë

Greqia po përballet me një mot të pazakontë që ka shkaktuar përmbytjen e shumë zonave dhe evakuimin e mijëra banorëve.

Mediat vendase shkruajnë se për shkak të nivelit të madh të ujit është zhdukur fshati Metamorfosi në  Palamas Karditas. Një banor i zonës shprehet se janë në mëshirë të Zotit dhe se uji në zonën e tij ka mbuluar shtëpitë.

Nga pamjet e publikuara në media shihen se shtëpitë janë zhytur në ujë dhe vetëm tjegullat e tyre duken.  Ndër të tjera mësohet se përmes anijeve të peshkimit po bëhet e mundur edhe shpëtimi I banorëve që kanë ngelur të bllokuar në banesat e shtëpive të zhytura në ujë.

Me helikopterë dhe skafe do të tentohet të evakuohen të bllokuarit në fshatrat e komunës së Palamës në Kardicë nga ujërat që janë grumbulluar në fushë pas orëve të gjata të shiut të shkaktuar nga stuhia Daniel.